इंदापूर क्रीडा संकुलात लवकरच लॉन टेनिस चे सिंथेटिक मैदान होणार ‌‌...

सोलापूर जिल्हा पालकमंत्री,दत्तात्रय भरणे.

 इंदापूर  प्रतिनिधी.... धनश्री गवळी..

     इंदापूर शहराच्या व तालुक्याच्या वैभवात भर घालणारी बाब म्हणजे क्रीडा संकुल होय. तालुक्यातील ग्रामीण व शहरी भागातील खेळाडू व नागरिकांच्या सुदृढ आरोग्यासाठी या क्रीडा संकुलनाचा वापर होत असतो, दिवसेन दिवस क्रीडा संकुलाचा कायापालट माननीय दत्तात्रय भरणे यांच्या मार्गदर्शनाखाली सुरू आहे.

    याचाच एक भाग म्हणून इंदापूर शहर वासियांना व खेळाडूंना माननीय मंत्री महोदय यांनी या क्रीडा संकुलामध्ये सिंथेटिक लॉन टेनिस या मैदानाची निर्मिती करण्यात येणार आहे या मैदाना करीता पहिल्या टप्प्यात 31 लाख रुपये निधी 2021 /22 या वर्षाच्या जिल्हा आर्थिक निधीच्या नाविन्यपूर्ण योजनेतून हा निधी मंजूर केला आहे यापूर्वी क्रीडा संकुलात बास्केट बॉल टेनिस बॉल स्केटिंग बॅडमिंटन हॉल 400 मीटर धावणे मार्ग क्रिकेट मैदान फुटबॉल धनुर्विद्या कबड्डी खो-खो इत्यादी विविध सोयी सुविधांची निर्मिती खेळाडू करिता निर्माण करण्यात आले आहेत.

     ‌‌ तसेच क्रीडा विकासाचा एक भाग म्हणून सरस्वती नगर ते क्रीडा संकुल या रस्त्या करिता विस लाख रुपये व बाजूच्या विद्युत रोषणाई करिता दहा लाख रुपये निधी मंजूर करीत असल्याची घोषणा मंत्री महोदय यांनी केली आहे.

    पुढील काळामध्ये इंदापूर शहरवासी यांकरिता दोन कोटी रुपये जलतरण पुल याची निर्मिती करण्याकरिता देण्यात येणार आहेत. याबाबतची अंतिम प्रक्रिया निर्णयात्मक टप्प्यात आली आहे असे माननीय मंत्री महोदयांनी एका पत्रकाद्वारे सांगितले आहे.