हर्षवर्धन पाटील यांच्या निवासस्थानी गौरी पूजन व महानैवेद्य
माजी मंत्री व भाजप नेते हर्षवर्धन पाटील यांच्या इंदापूर येथील भाग्यश्री बंगलो या निवासस्थानी माहेरवाशीण जेष्ठा गौरीच्या आगमनाच्या दुसर्या दिवशी गौरी-गणपती पूजन व महानैवेद्याचा विधी महिला व नागरिकांच्या गर्दीत शुक्रवारी (दि.22) सायंकाळी उत्साही व आनंदी वातावरणात संपन्न झाला.
हर्षवर्धन पाटील यांचे घरी परंपरेनुसार गौरी गणपतीचा सण हा प्रत्येक वर्षी उत्साहात साजरा केला जात आहे. या उत्सवाच्या निमित्ताने शुक्रवारी भाग्यश्री बंगलो येथे महिला व नागरिकांचे माजी मंत्री हर्षवर्धन पाटील, इंदापूर तालुका जिजाऊ फेडरेशनच्या अध्यक्षा भाग्यश्री पाटील, निरा भीमा सहकारी साखर कारखान्याचे संचालक राजवर्धन पाटील यांनी स्वागत केले व आपुलकीने संवाद साधला. यावेळी हर्षवर्धन पाटील व भाग्यश्री पाटील या उभयतांच्या हस्ते महाआरती करण्यात आली. भाग्यश्री बंगलो येथे ज्येष्ठा गौराईची अतिशय आकर्षक अशी सजावट इंदापूर तालुका जिजाऊ महिला फेडरेशनच्या अध्यक्षा भाग्यश्री पाटील व पुणे जिल्हा भाजप युवा मोर्चाच्या अध्यक्षा अंकिता पाटील ठाकरे यांचे मार्गदर्शनाखाली करण्यात आली आहे. यानिमित्ताने निवासस्थानी आलेल्या महिला व नागरिकांनी गौरी-गणपतीचे दर्शन व महानैवेद्य घेतला. याप्रसंगी निहारजी ठाकरे, अंकिता पाटील ठाकरे व मान्यवर उपस्थित होते. गौरी-गणपती दर्शना निमित्ताने शुक्रवारी सायंकाळपासून भाग्यश्री बंगलो गर्दीने फुलून गेला होता.
Comments
Post a Comment