ऊस बिलातून वीज बिल वसुलीस आमचा विरोध - हर्षवर्धन पाटील
इंदापूर प्रतिनिधी .. धनश्री गवळी माय मराठी न्यूज चॅनल
      शेतकऱ्याच्या ऊस बिलातून थकीत विज बिलाची वसुली करण्याच्या राज्य शासनाच्या निर्णयास आमचा विरोध आहे. अशाप्रकारे वीज बिलाची वसुली करणे हे बेकायदेशीर व शेतकऱ्यांवर अन्यायकारक ठरणारे आहे. त्यामुळे शेतकऱ्यांच्या ऊस बिला मधून थकीत वीज बिलाची वसुली होऊ देणार नाही, असा इशारा भाजप नेते व माजी मंत्री हर्षवर्धन पाटील यांनी रविवारी दिला आहे.
          महाराष्ट्र हे कल्याणकारी राज्य असल्याने महाविकास आघाडी शासनाने शेतकऱ्यांच्या हिताचे निर्णय घेणे आवश्यक आहे. कोल्हापूर जिल्ह्यातील शेतकऱ्यांच्या ऊस बिलातून केलेली थकीत वीज बिलाची वसुली चुकीची आहे. त्यामुळे थकीत वीज बिलाची अशा प्रकारे  शेतकऱ्याकडून सक्तीने वसुली करण्यास आमचा तीव्र विरोध आहे, असे हर्षवर्धन पाटील यांनी स्पष्ट केले.
     वास्तविक पाहता शेतकऱ्यांना विजेची बिले अव्वाच्या सव्वा आली आहेत. सदरची चुकीची आलेली कित्येक पट जास्तीची वीज बिले दुरुस्त करून देणे गरजेचे आहे. शेतकऱ्यांनी नेहमीच वापरलेल्या विजेची बिले भरलेली आहेत, असेही हर्षवर्धन पाटील यांनी सांगितले. जर शासनाने शेतकऱ्यांच्या ऊस बिलातून थकीत वीज बिल वसुलीचा तगादा लावला, तर राज्यामध्ये भाजपतर्फे आंदोलन केले जाईल, असा स्पष्ट इशाराही हर्षवर्धन पाटील यांनी दिला आहे.
______________________________

Comments

Post a Comment

Popular posts from this blog

Image
मोप ग्रामपंचायत चा अक्रोश पदयात्रेस पाठिंबा  _वाशिम जिल्हा प्रतिनिधी उकंडी ढेंबरे_         _सरपंच      ॲड.भागवत नरवाडे यांचे शेतकऱ्यांना सहभागी होण्याचे अवाहन_        भूमिपुत्र शेतकरी संघटनांकडून 31 डिसेंबर ला रिसोड ते वाशिम शासनाच्या शेतकरी विरोधी धोरणाच्या निषेधार्थ पदयात्रा काढली जात आहे. या पद यात्रेस पाठींबा देण्यासाठी व सहभाग नोंदवण्यासाठी मोप येथिल सरपंच अॅड भागवत नरवाडे उपसरपंच काळे व इतर ग्रामपंचायत सदस्यांनी रिसोड स्थीत भुमीपुत्र कार्यालयात जाऊन भुमीपुत्र चे संस्थापक अध्यक्ष विष्णुपंत भुतेकर यांची भेट घेतली व अक्रोश पदयात्रेत सहभागी होत पाठिंबा दिला. भूमिपुत्र कडुन मोप ग्रामपंचायत व सर्व ग्रामपंचायत सदस्यांचे स्वागत करण्यात आले. यावेळी राजुपाटील डांगे, गजानन सदार, रामेश्वर सदार, रवि जाधव यांच्यासह भूमिपुत्र चे कार्यकर्ते व पदाधिकारी उपस्थित होते.
Read more
Image
सोयाबीनचे भाव वाढणार      _शेतकर्यांनी सोयाबीन विक्रीची घाई करू नये_       विष्णुपंत भुतेकर    संस्थापक अध्यक्ष         भूमिपुत्र      शेतकरी संघटना  वाशिम जिल्हा प्रतिनिधी उकंडी ढेंबरे        महाराष्ट्रातील मुख नगदि पीक सोयाबीन आहे. देशातील एकूण उत्पादनापैकी 40%  सोयाबीनचे उत्पादन महाराष्ट्रात घेतले जाते. सोयाबीन उत्पादनात महाराष्ट्राचा देशात दुसरा क्रमांक लागतो . विदर्भ, मराठवाडा, खान्देश आणि पश्चिम महाराष्ट्रातील काही भागातील शेतकऱ्यांचे खरीपातील  मुख्य पीक सोयाबीन आसुन वर्षभराचे अर्थकारण सोयाबीन पीकावरच अवलंबून आसते. राज्यातील सोयाबीन उत्पादक सोयाबीनच्या बाजारातील भावा मुळे प्रचंड आडचणीत आला आसुन दहा वर्ष आधीचे दर आज मिळत आहेत. सोयाबीनच्या उत्पादन खर्चात मात्र दुप्पट वाढ झालेली आहे. एकरी उत्पादन घटले आसुन भाव पडल्यामुळे ग्रामीण महाराष्ट्रातील शेतकरी प्रचंड कोंडीत सापडला आहे. शेतकरी पडेल त्या भावाने माल विकत आहेत काही ठिकाणी तीन हजार रूपये प्रती क...
Read more
Image
इंदापूर महाविद्यालयात लोकशाहीर अण्णा भाऊ साठे आणि लोकमान्य टिळक यांना अभिवादन....... इंदापूर तालुका प्रतिनिधी.. धनश्री गवळी.    इंदापूर तालुका शिक्षण प्रसारक मंडळाच्या येथील कला, विज्ञान आणि वाणिज्य महाविद्यालयामध्ये साहित्यरत्न, लोकशाहीर अण्णाभाऊ साठे यांच्या जयंतीनिमित्त तसेच लोकमान्य टिळक यांच्या पुण्यतिथीनिमित्त अभिवादन करण्यात आले.    प्राचार्य डॉ. जीवन सरवदे म्हणाले की,' लोकशाहीर अण्णा भाऊ साठे आणि लोकमान्य टिळक यांचे कार्य सर्व समाजाला प्रेरणादायी आहे. अण्णाभाऊ साठे यांचे कार्य समजल्यावर माणसाना जगण्याचा अर्थ कळतो. कामगारांना त्यांचे अधिकार कळतात. समाजाला योग्य दिशा देण्याचे कार्य लोकमान्य टिळक यांनी केले. प्रत्येक महापुरुषाचे कार्य समाजातील तरुणांना नवीन विचार देतात.    डॉ. शिवाजी वीर, डॉ. भिमाजी भोर व सहकारी प्राध्यापक यावेळी उपस्थित होते .      कार्यक्रमाचे सूत्रसंचालन डॉ. तानाजी कसबे यांनी केले.
Read more